Konseho tokante di e modifikashon di proyekto presupuestario 2025 di Kòrsou

Riba 11 di ougùstùs 2025, Cft a risibí boso modifikashon di proyekto presupuestario (OBW), despues ku riba 16 di mei Cft a laga boso sa por eskrito ku e prosedura di konsultashon mutuo tokante di e presupuesto stipulá pa 2025 (VB) a ser konkluí. Ku e karta aki, boso ta haña Cft su konseho tokante di e OBW. Den anekso 1 di e karta aki ta haña un splikashon mas detayá i un supstansiashon ku sifra di e konseho aki.