CAft: "Hasi eskohonan tokante di turismo awor ku e presupuesto ta permití"

Oranjestad – Kolegio di supervishon finansiero di Aruba (CAft) ta konsehá Gobièrnu di Aruba pa hasi un eskoho fundamental tokante di e futuro di turismo i pa inkorporá e eskoho aki integralmente den e presupuesto, e agènda multianual di invershon i e regulashonnan fiskal. E ekonomia di Aruba ta asina entrelasá ku turismo ku e eskoho aki lo afektá tur minister. Turismo ta e motor prinsipal di kresementu ekonómiko, pero na mes momentu e ta e riesgo di mas grandi pa e sostenibilidat di finansa públiko.