Cft: "Kòrsou tin e gastunan di kuido di mas haltu den region"

Willemstad – E montante ku Kòrsou ta gasta na kuido ta relativamente haltu. Na 2023, e montante aki tabata aproksimadamente 14,7 porshento di bbp, mas ku por ehèmpel Aruba (8,7%) i Sint Maarten (6,5%). Esaki ta pone ku por gasta ménos riba otro terenonan di maneho, i ta kondusí na mas preshon di impuesto i prima. Manera CBCS a investigá, envehesimentu di poblashon ta pone ku e preshon riba e sistema di kuido ta oumentá ainda mas. Ta antisipá ku un solushon pa e problemátika serka CMC tambe lo kondusí na gastunan adishonal pa pais. P'esei, Kòrsou lo mester hasi eskohonan. Tumando medidanan awor pa oumentá efisiensia den kuido, por redusí e doló den futuro.