Konstelashon nobo di e Kolegionan di supervishon finansiero

Willemstad – Riba 30 di yanüari 2026, Konseho di Minister (di Reino) a bai di akuerdo ku e nombramentu di prof. dr. Paul Hilbers komo miembro nobo di e tres Kolegionan, riba proposishon di Hulanda. Señor Hilbers ta susesor di señor Hans Hoogervorst. Anteriormente, riba 31 di òktober 2025, Konseho di Minister (di Reino) a nombra drs. Hans Hoogervorst komo Presidente di e tres Kolegio di supervishon finansiero (Cft), komo susesor di Lidewijde Ongering, kende a okupá e funshon di Presidente pa tres aña. Tantu Paul Hilbers komo Hans Hoogervorst ta kuminsá den nan funshon nobo entrante promé di febrüari 2026.