Reakshon riba e di tres informe di implementashon i konseho tokante di e di dos modifikashon di proyekto presupuestario 2025 di Boneiru

Riba 4 di desèmber 2025, Kolegio di supervishon finansiero di Boneiru, Sint Eustatius i Saba (Cft) a risibí e di dos modifikashon di proyekto presupuestario (OBW) di 2025, riba 12 di desèmber 2025 a risibí e di tres informe di implementashon (UR) i riba 15 di desèmber 2025 a risibí e splikashon modifiká tokante di e di dos OBW. Ku e karta aki señor Soliano ta risibí e reakshon di Cft riba e UR i e konseho di Cft tokante di e di dos OBW 2025. Den anekso 1 di e karta aki ta haña un splikashon mas detayá i un supstansiashon ku sifra.