Boso reakshon tokante di e presupuesto stipulá 2024

Riba promé di mart 2024, Kolegio di supervishon finansiero Kòrsou i Sint Maarten (Cft) a konsehá tokante di e presupuesto stipulá 2024 (presupuesto) di Kòrsou. Cft tabata haña importante pa Kòrsou implementá vários modifikashon den e presupuesto pa asina pèrkurá ku e ta mas konforme ku e normanan stipulá den e Lei di Reino Supervishon Finansiero Kòrsou i Sint Maarten (Rijkswet financieel toezicht Curaçao en Sint Maarten – Rft) i den e marko aki, Cft a duna rekomendashonnan. Cft a konsehá pa inkorporá e rekomendashonnan aki den un modifikashon di (proyekto) presupuestario (OBW) ku mester a entregá pa mas tardá riba 30 di aprel 2024.