Boso reakshon riba e presupuesto stipulá 2026 di Kòrsou

Riba 23 di yanüari 2026, Kolegio di supervishon finansiero Kòrsou i Sint Maarten (Cft) a emití konseho tokante di e presupuesto stipulá pa 2026 (presupuesto) di Kòrsou. Cft tabata haña importante pa Kòrsou implementá vários modifikashon den e presupuesto, pa pèrkurá ku esaki ta kuadra ku e normanan stipulá den Lei di Reino Supervishon Finansiero Kòrsou i Sint Maarten (Rijkswet financieel toezicht Curaçao en Sint Maarten - Rft). P'esei, Cft a hasi tres rekomendashon i a konsehá pa inkorporá e rekomendashonnan aki den un modifikashon di proyekto presupuestario (OBW).