E Kolegionan di supervishon finansiero tin komo meta pa realisá e meta komun di tur e gobièrnunan den Reino Hulandes: pa logra yega na un maneho sano duradero di finansa públiko.
E manera ku Cft ta funshoná ta basá riba su balornan prinsipal, kual ta independensia, profeshonalismo i transparensha. Di e forma aki e Kolegionan ta aspirá pa kontribuí na bon gobernashon, prosperidat i bienestar di e poblashon di Aruba, Kòrsou, Sint Maarten, Boneiru, Sint Eustatius i Saba.
Ora e struktura estatal nobo a drenta na vigor riba 10 di òktober 2010, a establesé dos Kolegio: Cft Boneiru, Sint Eustatius i Saba i Cft Kòrsou i Sint Maarten. Ku introdukshon di e Ordenansa Nashonal di supervishon finansiero temporal di Aruba (LAft) despues riba 2 di sèptèmber 2015, e ehekushon di supervishon di e finansa públiko di Aruba a keda traspasá ofisialmente na e Kolegio di supervishon finansiero Aruba (CAft). E tres Kolegionan ta risibí asistensia di un sekretariado komun.