Kolegio di supervishon finansiero Kòrsou i Sint Maarten tin un ròl di señalá i kontrolá. E tareanan di e Kolegio ta dirigí riba aprobashon di e presupuestonan pa parlamento i ehekushon di e presupuestonan ku denter di e límitenan palabrá ta balansá, i riba dominio di e total di fiansanan.
Pa por laga e supervishon tuma lugá optimalmente. E Kolegio mester tin bista riba e siklo di presupuesto i e maneho finansiero di e paisnan. E Kolegio ta evaluá si e presupuesto aprobá pa parlamento ta kuadra ku e normanan den e lei di Reino i kaminda ta nesesario ta proveé konseho. E kolegio por konsehá riba e konsepto di presupuesto tantu solisitá, komo no solisitá.
Lidewijde Ongering
Presidente
Señora drs. L.M.C. (Lidewijde) Ongering for di 1 di febrüari 2023 ta presidente di Kolegio di supervishon finansiero Kòrsou i Sint Maarten, Kolegio di supervishon finansiero Aruba i Kolegio di supervishon finansiero Bonaire, Sint Eustatius i Saba. E tin un trayektoria ekstenso den un gran kantidat di departamentu na Den Haag. Asina e tabata resientemente Sekretario General na Ministerio di Asuntonan Ekonómiko i Klima i promé ku esei na Ministerio di Infrastruktura i Maneho di Awa, kaminda ademas anteriormente el a yega di ehersé e funshon di Direktor General di Aksesibilidat.
Otro funshonnan den gobièrnu tabata entre otro Koordinador Nashonal athunto riba tereno di Anti-terorismo i Seguridat na Ministerio di Hustisia i Seguridat, Direktor General athunto di Orden Públiko i Seguridat na Ministerio di Asuntunan Interno i Relashon den Reino i Direktor di Asuntunan Finansiero i Ekonómiko na Ministerio di Salú Públiko, Bienestar i Deporte. Lindewijde Ongering a optené su título Master den Atministrashon Públiko na Universidat Tékniko na Twente.
Elizabeth de Cuba
Miembro riba proposishon di Kòrsou
For di 1 di òktober 2023 señora Elizabeth de Cuba (1983) ta miembro di Kolegio di supervishon finansiero Kòrsou i Sint Maarten (Cft) riba proposishon di Kòrsou. Komo empresario señora De Cuba ta brinda servisio riba tereno di Accounting, Auditing i Finance na su klientenan.
Di 2017 te 2022 señora De Cuba a traha komo Control and Methodology Leader den un Professional Practice Group pa e EY Caribbean Assurance Practice, un funshon den kua el a traha di aserka ku e ofisinanan di EY Caribbean na entre otro Trinidad & Tobago, Jamaica, Barbados, Saint Lucia i Surnam. Banda di esaki di 2018 pa 2020 señora De Cuba tabata dosente di e materia Auditing na Universidat di Kòrsou.
For di 2015 señora De Cuba komo miembro di e tim di EY Certified Learning Facilitators a duna lès di Auditing den Core Learning Classes. Ora el a finalisá su estudio komo register accountant na Universidat Erasmus, señora De Cuba a traha den funshon di audit manager na e departamentu di assurance di e ofisina di akountent di EY Dutch Caribbean.
Julisa Frans
Miembro riba proposishon di Sint Maarten
Señora Julisa Frans (1985) for di 17 di desèmber 2021 ta miembro di Kolegio di supervishon finansiero Kòrsou i Sint Maarten (Cft) riba proposishon di Sint Maarten. Komo consultant independiente señora Frans ta ehersé un variedat di trabounan di konsehero.
Despues di finalisá su estudio riba nivel di Bachelor, Señora Frans a bai fortifiká gobièrnu di Sint Maarten. Den e periodo di 2008 pa 2021 el a traha den vários funshon finansiero den Gobièrnu, entre otro komo Empleado di Maneho Finansiero, Operations Officer i Konsehero (Prinsipal) di Maneho Finansiero. Na 2018 el a graduá den Maneho Públiko i Desaroyo riba nivel di Master’s.
Señora Frans tabata tambe miembro tambe di e Monitoring Commissie enkargá ku tene na bista e ehekushon di e pakete di reforma i den e kuadro aki tene un bista total pa gobièrnu di Sint Maarten. Durante di vários aña Señora Julisa Frans ademas tabata responsabel pa vários aspekto finansiero di e trabounan di rekuperashon despues di orkan Irma.
Hans Hoogervorst
Miembro riba proposishon di Hulanda
Señor Hans Hoogervorst (1956) ta miembro di e Kolegionan di supervishon finansiero for di 17 di desèmber 2021 riba proposishon di Hulanda. Despues di un komienso den e sektor finansiero internashonal na Washington, Señor Hoogervorst a regresá Hulanda, kaminda el a bai traha komo konsehero di maneho. Seguidamente pa hopi aña e tabata aktivo den polítika na Hulanda i e tabatin diferente funshon den gobernashon.
Despues di un periodo di kuater aña komo parlamentario, kuminsando na 1998, Señor Hoogervorst tabata kuater aña largu Sekretario di Estado na e ministerio di Asuntunan Sosial. Su siguiente puesto tabata di minister: promé pa un periodo kòrtiku di 2002 pa 2003 komo Minister di Finansa, siguí pa un periodo den kua el a okupá e funshon di Minister di Salubridat Públiko, den kua funshon el a reemplasá e fondo di malesa (ziekenfonds) pa e sistema di kuido aktual.
Despues di esaki Señor Hans Hoogervorst a bandoná polítika, i den 2007 el a hasi e kambio bai Outoridat di Merkadonan Finansiero di Hulanda (AFM), kaminda el a keda nombrá presidente di direktiva. Na 2011 el a bira presidente di Konseho di Norma Internashonal di Accounting na Londen i miembro di Konseho di Stabilidat Finansiero.