Apoderadonan ta realisá aktonan hurídiko basá riba lei privá
Lei FinBES ta indiká ku solamente hefe di Finansa (òf su suplentenan) ta apoderá pa ehersé aktonan hurídiko basá riba lei privá ku resultá for di e desishon di yega na kontrakshon di obligashonnan finansiero (pa kual a duna un konseho positivo) (artíkulo 35 insiso 1). Esaki ta nifiká ku niun otro funshonario ku no ta e hefe di Finansa di e isla (òf su suplente) di un entidat públiko ta apoderá pa kumpli legalmente ku e debernan menshoná.
A base di artíkulo 35 insiso 4 di e Lei FinBES, Kolegio di supervishon finansiero ta enkargá ku mantenementu di un registro di mandato (públiko) di e nòmbernan i funshonnan di e personanan apoderá. Solamente personanan registrá den e registro di mandato ta apoderá pa kumpli legalmente ku e debernan menshoná.
E Kolegio ta publiká e registro di mandato dos biaha pa aña den e boletin di proklamashon di e entidatnan públiko. E registro di mandato aktual ta kontené e siguiente datonan:
Bonaire
- Sr. G. van Eerde, hefe di Finansa
- Sra. E.R. Sint Jago, hefe suplente di Finansa
Sint Eustatius
- Pa Sint Eustatius awor e 'Tijdelijke wet taakverwaarlozing Sint Eustatius' ta aplika.
Saba
- Sra. M.C. Hassell, hefe di Finansa
- Sra. Ann D. Johnson-Hassell, hefe di Finansa interino
Supervishon Previo
A base di artíkulo 35 insiso 5 di Lei FinBES Minister di Asuntunan Interno i Relashonnan di Reino por indiká presupuestonan i artíkulonan di presupuesto pa kua no por drenta den kompromisonan finansiero, promé ku Minister a duna su aprobashon (supervishon previo). A base di insiso 6 di artíkulo 6 ta inkluí tambe den e registro aki kontenido di e presupuestonan òf artíkulonan di presupuesto pa kua a duna instrukshon. Kontenido di e presupuestonan òf artíkulonan di presupuesto ta lo siguiente:
Bonaire
-
Sint Eustatius
-
Saba
-